• InsideEthiopia posted an update 2 months, 1 week ago

    በአውሮፓ በሚኖሩና የልዩ ልዩ አውሮፓ ሃገራት ዜጎች በሆኑ ኢትዮጵያውያን የተቋቋመው ዲፌንድ ኢትዮጵያ ከወቅታዊ ሁኔታዎች ጋር በተያያዘ የአቋም መግለጫ አወጣ::
      2
      0
      • ማህበሩ በመግለጫው ባለፉት ሶስት ዓመታት ኢትዮጵያ በዘርፈ ብዙ የለውጥ ሂደት ውስጥ እንደምትገኝ፣ የህወሃት ቡድን ግን ይህን ለውጥ ለማደናቀፍ ይሰራ እንደነበረና ከዕኩይ አላማው እንዲመለስና የሰላም ሃይል እንዲሆን በፌዴራል መንግስቱ በኩል ልዩ ልዩ ጥረቶች ሲደረጉ እንደነበር፣ ይህም አልበቃ ብሎት በውድቅት ለሊት በሰሜን ዕዝ ላይ ጥቃት በመሰንዘር ብዙዎችን ለህልፈት እንዳበቃ፣ ይህን ተከትሎ የፌዴራል መንግስቱ ተገዶ ህግ ወደማስከበር እንደገባ አንስቷል።
        መግለጫው አክሎም የፌዴራል መንግስት የተናጠል ተኩስ አቁም ማወጁና ሃይሉን ወደ ኋላ መሳቡን በአክብሮት እንደሚቀበለው፣ 6ኛው ሃገራዊ ምርጫ በስኬት መጠናቀቁ የኢትዮጵያውያንን ስነ ምግባር እንደሚያሳይ፣ የተባበሩት መንግስታት ደርጅት የጸጥታው ምክር ቤት የታላቁ ህዳሴ ግድብ ጉዳይ በአፍሪካ ህብረት እንዲታይ መደገፉን እንደሚያበረታታ ገልጿል።
        ዓለም ዓቀፉ ማህበረሰብ፣ የአሜሪካን መንግስት፣ የሰብዓዊ መብት ተቆርቋሪ ነን የሚሉ አካላትና መንግስታዊ ያልሆኑ ድርጅቶች ከፖለቲካ ውግንና ነጻ በሆነ መንገድ በትግራይ የሚካሄደውን የሰብአዊ ድጋፍ አቅርቦቶችና መልሶ ግንባታ ሂደቶችን እንዲደግፉ፣ በትግራይ ለተፈጠረው ችግር ዋነኛ መንስኤውን እንዲመረምሩ፣ የኢትዮጵያን ሉአላዊነትና የግዛት አንድነት እንዲያከብሩ፣ ግብጽና ሱዳን በአፍሪካ ህብረት ወደሚካሄደው ድርድር እንዲመለሱ ግፊት እንዲያደርጉ እንዲሁም በምዕራቡ ዓለም የሚገኙ ሚዲያዎች ስለኢትዮጵያ በሚዘግቡበት ወቅት ሚዛናዊነትን እንዲከተሉና ግጭት ጫሪነትን እንዲያስወግዱ ጠይቋል።
        የመግለጫውን ሙሉ ቃል ተያይዞ ከቀረበው ሰነድ ላይ መመልከት ይቻላል።
          2
          0

      Contact us  | Privacy policy | Terms of use

      Contact Us   info@palderby.com

      ©2021 PALDERBY

      Log in with your credentials

      or    

      Forgot your details?

      Create Account